ABŞ Milli Aeronavtika və Kosmos İdarəsi (NASA) dünyanın Ay səthindən ən yüksək dəqiqliklə çəkilmiş görüntülərini yayımlayıb.

Axar.az xəbər verir ki, dünyanın yeni görüntüsündə sağ küncdə Böyük Səhra, onun yanında Səudiyyə Ərəbistanı, solda da Sakit okean görünür.

NASA-nın rəsmi saytında yerləşdirilən açıqlamaya görə, Yer kürəsinin yeni görüntüsü Apollon-17 kosmik gəmisinin 1972-ci ildə 29 min kilometrdən çəkdiyi fotonu xatırladır. Apollon-17 kosmik gəmisinin 1972-ci il dekabrın 7-də çəkdiyi "Mavi mərmər" (Blue Marble) adlı fotosu Yer kürəsini bütöv göstərən ən məşhur foto hesab olunur.

Xatırladaq ki, LRO kosmik gəmisi 2009-cu il iyunun 18-dən Ayda araşdırma aparır.