Avropa Birliyi demək olar ki, tamamilə NATO ilə birləşib və Ukraynanı dəstəkləmək və Rusiyaya ən böyük zərər vurmaq üçün ABŞ-ın maraqlarına xidmət etməyə başlayıb.

Axar.az xəbər verir ki, bunu Rusiyanın Londondakı səfiri Andrey Kelin deyib.

"Avropa Birliyi Ukrayna ilə bağlı bu siyasətdə və bütün digər sahələrdə demək olar ki, tamamilə ABŞ-ın maraqlarına xidmət edir. Burada artıq NATO ilə Avropa Birliyinin fəaliyyəti arasında sərhəd çəkmək çətindir. Təxminən eynidir. Bu təşkilatların hər ikisi ABŞ-ın Rusiyaya mümkün qədər çox zərər vurmaq və Avropanın təhlükəsizliyinin balansını onun xeyrinə dəyişmək siyasəti ilə birləşib", - səfir bildirib.

O qeyd edib ki, Kiyevə silah tədarükü dayanan kimi Ukrayna hökuməti münaqişəyə son qoymağın yollarını axtaracaq.