20:37

İranın Şiraz şəhərində Şah Çıraq ziyarətgahında terror aktı baş verib

Axar.az xəbər verir ki, hadisə nəticəsində iki təhlükəsizlik əməkdaşı öldürülüb. Çox sayda yaralılar var.

Qeyd edək ki, ötən il də sözügedən ziyarətgaha terror hücumu həyata keçirilmişdi.

***

Terror aktında ölənlərin sayı 4-ə çatıb.

Bildirilib ki, iki yaraqlı türbənin ərazisinə daxil olmağa cəhd edib, onlardan biri saxlanılıb, ikincinin tutulması istiqamətində işlər davam etdirilir. Həmin şəxs məqbərənin girişində olanlara atəş açmağa davam edir.

Hazırda bina mühasirəyə alınıb.

***

Terror aktı nəticəsində ölənlərin sayı 7-yə çatıb.

Bu barədə İslam İnqilabı Keşikçiləri Korpusunun (SEPAH) yerli qüvvələrinin komandiri Yadullah Bueli bildirib.

O, daha 10 nəfərin yaralandığını qeyd edib.