Əgər İran digər ölkələrin daxili işlərinə qarışmazsa, Ər-Riyad ilə Tehran arasında diplomatik münasibətlər bərpa oluna bilər.

Axar.az xəbər verir ki, bu sözləri Səudiyyə Ərəbistanının BMT-dəki daimi nümayəndəsi Abdalla Muallim deyib.

O, hazırki siyasi situasiyanın Suriya və Yəmən konfliktinin həlli ilə bağlı danışıqlara təsir etməyəcəyini bildirib.

Qeyd edək ki, Səudiyyə Ərəbistanı yanvarın 2-də aralarında şiə din alimi Ayətullah Nimr Baqir ən-Nimrin də olduğu 47 nəfəri edam edib. Bundan sonra Tehrandakı Ər-Riyad səfirliyi yandırılıb. Səudiyyə buna cavab olaraq İranla diplomatik əlaqələri kəsib.