Biz İrandan bu ölkədəki diplomatik missiyaların təhlükəsizliyinin təmin olunmasını tələb edirik.

Axar.az xəbər verir ki, bunu jurnalistlərə açıqlamasında Malaziyanın Xarici İşlər naziri Anifa Aman söyləyib. Onun sözlərinə görə, Malaziya bir müddət öncə Səudiyyə Ərəbistanının Tehrandakı səfirliyinə hücumu qəti şəkildə pisləyir:

"Biz İrandan 1961-ci il Vyana konvensiyasına uyğun olaraq xarici missiyaların qorunması üçün lazımi tədbirlərin görülməsini tələb edirik. Bundan başqa hökumətdən günahkarların tapılması üçün addımlar atılmasını gözləyirik".

Qeyd edək ki, indiyə qədər Səudiyyə Ərəbistanıyla konflikt ucbatından Bəhreyn, Sudan və Küveyt İranla diplomatik əlaqələrini kəsib.