Kanada İcmalar Palatasının spikeri Entoni Rota yaşlı nasist ukraynalı əsgərə hörmətlə yanaşdıqdan sonra yaşanan qalmaqal fonunda istefa verdiyini açıqlayıb.

Axar.az xəbər verir ki, Rota bu barədə qanunverici orqana məlumat verdiyini bildirib.

Qeyd edək ki, Ukrayna Prezidenti Vladimir Zelenski Kanadaya səfəri zamanı “Qalisiya” SS diviziyasının keçmiş əsgəri 98 yaşlı Yaroslav Hunka ilə parlamentdə görüşüb.

E.Rota onun haqqında "Ukraynanın müstəqilliyi uğrunda ruslara qarşı vuruşan İkinci Dünya müharibəsinin ukraynalı-kanadalı veteranı... Ukrayna qəhrəmanı, Kanada qəhrəmanı və biz ona xidmətinə görə təşəkkür edirik”, - deyərək Zelenskiyə təqdim etmişdi.