10:47

Özbəkistanın paytaxtı Daşkənddə yerləşən hava limanının gömrük anbarı ərazisində güclü partlayış baş verib.

Axar.az xəbər verir ki, bu barədə yerli media məlumat yayıb.

Məlumata görə, partlayış hadisə baş verən yerdən 30 kilometr aralıda hiss olunub. Zərərçəkmişlər xəstəxanaya çatdırılıb.

Hadisə yerinə 16 yanğınsöndürmə və xilasetmə briqadası cəlb olunub.

İlkin ehtimala görə, yanğın anbara ildırım düşməsi nəticəsində baş verib.

***

Son məlumatlara görə, partlayış və yanğın nəticəsində 26 çoxmərtəbəli binada 600-ə yaxın mənzilə, o cümlədən bir məktəbə və iki uşaq bağçasına ziyan dəyib.

Partlayışdan sonra 30-a yaxın insan Respublika Təcili və Təxirəsalınmaz Tibbi Yardım Mərkəzinə yerləşdirilib.