60 yaşlı B-52 təyyarələri ABŞ-ın düşmənlərini qorxuda bilməz.

Axar.az xəbər verir ki, bu sözləri "Vaşinqton Tayms" qəzetinin müxbiri Tod Vud ABŞ-ın mübahisəli bölgələrə B-52 tipli nüvə başlığı daşıyan təyyarələr göndərməsinə münasibət bildirərkən deyib.

"Son zamanlar təhlükə yaradan rejimlərin yerləşdiyi bölgələrə B-52 təyyarələri göndərilir. Görünür, Barak Obamanın başçılıq etdiyi milli təhlükəsizlik komandasının üzvləri 60 yaşlı təyyarələrin düşmənləri qorxudacağını düşünür. B-52 nüvə başlığı daşımaq imkanlarına malik bombardmançı təyyarədir. Lakin son texnologiyalara malik havadan müdafiə sistemlərinin qarşısında sözügedən təyyarələr olduqca zəifdir. Əsas olan havada üstünlüyü təmin etməkdir", - Vud vurğulayıb.

Qeyd edək ki, Şimali Koreya hidrogen bombasını sınaqdan keçirdikdən sonra ABŞ Koreya yarımadasında B-52 tipli nüvə başlığı daşıyan təyyarələr yerləşdirmişdi. Eyni zamanda sözügedən təyyarələrdən 2-si Cənub-Şərqi Çin dənizində mübahisəli ərazilər elan edilən Sprantli adalarına da göndərilib.