ABŞ prezidentliyinə namizəd, milyarder Donald Trampın Böyük Britaniyaya girişinin qadağan edilməsi üçün aparılan imzatoplama kampaniyasına 575 min 563 nəfər qoşulub.

Axar.az xəbər verir ki, artıq mövzu ilə bağlı İngiltərə parlamentində müzakirələrə başlanılıb.

İngiltərənin müxalif İşçi Partiyasından olan millət vəkili Paul Flayn Trampın müsəlmanlara qarşı irqçi çıxışlarını qınayıb.

Digər millət vəkilləri isə Trampın ölkəyə dəvət edilərək fərqli mədəniyyətlərlə tanış etməyin tərəfdarı olduğunu bildirib.

Hələlik millət vəkillləri yekun qərar verə bilməyiblər.

Qeyd edək ki, Donald Tramp müsəlmanlara qarşı irqçi çıxışları ilə tanınır. O, çıxışlarında İngiltərə hökumətinə qarşı da ifadələr işlətmişdi.