Planetimizdə yaşayan 3,6 milyard nəfərin ümumi gəliri 2010-cu ildən bu yana 1 trilyon dollar azalıb.

Axar.az xəbər verir ki, bu sözlər "Oksfam" qeyri-kommersiya təşkilatının hesabatında yer alıb. Təşkilat bu rəqəmin son bir neçə ildə ən pis göstərici olduğunu bildirib.

"Oksfam" həmçinin Yerin kasıb əhalisinin itirdiyi 1 trilyon dolların hazırda yaşayan 62 ən varlı şəxsin ümumi sərvəti (1,76 trilyon dollar) dəyərində olduğunu söyləyib. Hesabatda kasıb və varlılar arasında fərqin artmasına əsas səbəb kimi iş adamlarına qarşı vergi güzəştləri, ən yuxarı və ən aşağı əmək haqları arasında fərqlərin artması, eləcə də işçilərin maliyyə mükafatının ixtisara salınması göstərilib.