Türkiyə hakimiyyəti təyyarəmizi vurdu və böyük səhv etdi. Daha sonra müdafiə etdikləri şəxslər də qurudan təyyarəmizə atəş açdı.

Axar.az xəbər verir ki, bu sözləri Rusiya Prezidenti Vladimir Putin Ümumrusiya Xalq Cəbhəsinin konfrasında çıxışı zamanı deyib.

O bildirib ki, Türkiyəyə tətbiq edilən sanksiyalar inşaat sektoruna təsir etməyəcək:

"Hazırda 300 türk şirkətinin Rusiya ilə müqaviləsi var. Bunların ümumi dəyəri təxminən 50 milyard dollardır. Bəzi müqavilələri Türkiyə hakimiyyətinə cavab olaraq ləğv etmək barədə qərar verdik. Lakin bu qərardan biz də zərər görə bilərik. Bundan sonra türk şirkətləri ilə yeni razılaşma imzalamayacağıq".