Rusiya və Qərb PKK-nın siyasi qanadı olan PYD-nin 47 min döyüşçüsünə silah-sursat və hərbi ləvazimatlar göndəriblər.

Axar.az xəbər verir ki, bu iddia ilə "Milliyyət" qəzetinin yazarı Nihad Əli Özcan çıxış edib.

Yazar "PYD PKK-nın nəyidir?" başlıqlı məqaləsində PKK-nın Türkiyə üçün nə kimi təhlükə yaratdığını qeyd edib:

"Bu günlərdə Rusiya və dırnaqarası Qərb müttəfiqlərimiz güclü əməkdaşlıq edir. Sayları 47 minə çatan PKK-nın silahlı qanadı PYD-yə silah-sursat göndəriblər. Bəzi hərbi ləvazimatlar da Türkiyə vasitəsilə göndərilir. Hərbi gücü hər keçən gün artan PKK Türkiyə üçün ciddi təhlükə təşkil edəcək. Bu vəziyyətdə də müttəfiqlərimiz yeni hekayələr uyduracaqlar".

Yazar onu da əlavə edib ki, PKK ilə PYD tamamilə bir terror təşkilatıdır. O, bu iki qruplaşma arasında fərq olmadığını açıqlayıb.