Rusiya Türkiyə-Suriya sərhədində yeni uçuş qaydaları müəyyənləşdirib. Yeni qaydaya görə, Suriya hava məkanına daxil olan türk təyyarələri vurulacaq.

Axar.az xəbər verir ki, bu barədə Küveytin "Ər-Rai" qəzeti məlumat yayıb.

Məlumata görə, Rusiya Suriya hava məkanına daxil olan türk təyyarələrinin dərhal vurulması əmrini verib.

Buna uyğun olaraq, Rusiya-Türkiyə arasında 1998-ci ildə imzalanmış Adana müqaviləsi ləğv edilib.

Rusiyanın Suriyanın Miq-29 təyyarələrini modernləşdirməsi də nəzərdə tutulub.

Bundan əlavə, xəbərdə Suriya ordusunun irəliləyişi nəticəsində cihadçı qruplaşmalar arasında ixtilafların başladığı da deyilib.

Digər tərəfdən, Suriya-Türkiyə sərhədinin bağlanılması da planlaşdırılır.