Litva Rusiyadan yan keçən Ukrayna-Çin dəmiryolu xəttinə qoşulmaqda maraqlıdır.

Axar.az xəbər verir ki, bunu jurnalistlərə açıqlamasında Ukrayna Baş naziri Arseni Yaçenyuk söyləyib. Onun sözlərinə görə, artıq İpək yolu və "Vikinq" qatarının birləşdirilməsilə bağlı Ukrayna və Litva arasında memorandum imzalanıb. O bununla da İpək yoluna təkcə Ukrayna, Gürcüstan, Azərbaycan, Qazaxıstan və Çinin yox, həm də Avropa Birliyi ölkələrinin də qoşulacağını deyib.

Qeyd edək ki, İpək yolu layihəsinə əsasən Asiya malları Rusiyadan yan keçməklə Avropaya daşınacaq.

"Vikinq qatarı" layihəsi Ukrayna, Litva və Belorusu əhatə edir. 1750 kilometr məsafəlik bu dəmiryol xətti Odessa limanı ilə Litvanın Klaypeda limanını bir-birinə bağlayır. Layihə 2003-cü ildə işə salınıb.