Rusiya Suriyada ələvi dövləti yaratmaq istəmir. Bu barədə söylənilən fikirlər axmaqlıqdır.

Axar.az xəbər verir ki, bu sözləri Rusiya Təhlükəsizlik Şurasının sədr müavini Yevgeni Lukyanov Böyük Britaniyanın XİN rəhbəri Filip Hammondun "Rusiya Suriyanın şimal-şərqində ələvi dövləti yaratmaq istəyir" sözlərinə münasibət bildirərkən deyib.

"Bu axmaqlıqdır. Suriyanı hissələrə bölmək istəyən biz deyilik, digər dövlətlərdir. Biz Suriyanın suveren olmasını istəyirik. Böyük Britaniyanın XİN rəhbəri Filip Hammondun açıqlamalarını ciddiyə almırıq", - Lukyanov bildirib.

Qeyd edək ki, Böyük Britanıyanın Xarici İşlər naziri Filip Hammond Suriyanın şimal-şərqində Rusiyanın ələvi dövləti yaratmaq istədiyini bildirmişdi.