Yunanıstan gərək Türkiyə ilə sərhədlərini qorusun.

Axar.az xəbər verir ki, bunu Avstriya Xarici İşlər naziri Sebastiyan Kurts Avropa Birliyi xarici işlər və müdafiə nazirlərinin Amsterdamdakı görüşündə çıxışı zamanı söyləyib. Onun sözlərinə görə, əgər Yunanıstan öz sərhədlərini qorumasa, Avropa Birliyi bunun üçün yeni yol tapacaq:

"Biz təəssüf edirik ki, Makedoniya və digər Balkan ölkələri də miqrant axınını dayandırmaq qabiliyyətində deyillər. Avstriya öz ordusunu Balkanlara göndərəcək ki, sərhədləri möhkəmləndirsin".

Qeyd edək ki, mart ayında Avstriya Serbiya, Makedoniya, Çexiya, Slovakiya, Macarıstan, Sloveniya və Xorvatiya müdafiə nazirləri miqrasiya böhranının həlli ilə bağlı görüş keçirəcək.