PKK terrorçuları mülki şəxslərdən canlı qalxan kimi istifadə edir.

Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu Hollandiyanın "NRC Handelsblad" qəzetinə açıqlamasında deyib.

Çavuşoğlu bildirib ki, Türkiyə Silahlı Qüvvələri vətəndaşların zərər görməməsi üçün olduqca diqqətli əməliyyat aparır:

"Əvvəcə onu qeyd edim ki, bu mövzu ilə bağlı müharibə sözünün işlədilməsini düzgün hesab etmirəm. İngiltərə vaxtilə İrlandiya ordusu ilə mübarizə aparanda bu müharibə idimi? Türkiyə PKK-ya qarşı mübarizə aparır və əməliyyatlar həyata keçirir. Biz mülki şəxslərin zərər görməməsi üçün əlimizdən gələni edirik. Amma terrorçular elə deyil. PKK mülki şəxslərdən canlı qalxan kimi istifadə edir. Raketlərlə xeyli uşaqları öldürdü. Heç bir demokratik ölkə buna göz yuma bilməz".