Ukrayna Prezidenti Vladimir Zelenski “Rusiya Federasiyasının tarixən ukraynalıların yaşadıqları əraziləri haqqında” fərman imzaladığını bildirib.

Axar.az xəbər verir ki, o, bu barədə xalqa müraciətində deyib.

“Bu, Ukraynanın gələcəyi naminə tarixi keçmişlə bağlı həqiqətin qaytarılmasıdır. Kiyev hakimiyyəti hüquq və azadlıqların uzlaşması, ukraynalılar və tariximiz haqqında həqiqətlər üçün hər şeyi etməlidir”, - o bildirib.

Zelenskinin saytında dərc olunan fərmanın mətnində deyilir ki, Ukrayna hakimiyyəti Rusiyanın müasir Krasnodar diyarı, Belqorod, Bryansk, Voronej, Kursk, Rostov kimi tarixən məskunlaşdıqları torpaqlar da daxil olmaqla, Rusiya Federasiyasında ukraynalıların milli mənsubiyyətinin qorunması üzrə tədbirlər planı hazırlayacaqlar.