Türkiyənin Nusaybin və İdil mahallarında terrorçular tərəfindən yaradılan barrikada və xəndəklər ləğv ediləcək.

Axar.az xəbər verir ki, bu sözləri Türkiyə Daxili İşlər naziri Efkan Ala jurnalistlərə açıqlamasında deyib.

"Terrorçular sözügedən bölgələrdə olduğu müddətdə dövlət oraya müdaxilə edəcək. Barrikadalar, xəndəklər, yola quraşdırlan bombalar ləğv ediləcək. Terrorçular zərərsizləşdiriləcək. Nusaybin və İdil mahallarında böyük xəndəklər mövcuddur. Əvvəlcə bunları aradan qaldırmalıyıq", - nazir vurğulayıb.

Efkan Ala onu da qeyd edib ki, Şırnak vilayətinin Cizrə mahalında isə əməliyyatlar tamamlanmaq üzrədir.