YPG qüvvələri ABŞ-ın başçılıq etdiyi koalisiya ilə koordinasiya qurmasa, Fərat çayının qərbinə keçə bilməyəcək.

Axar.az xəbər verir ki, bu sözləri PYD lideri Saleh Müslüm deyib.

"Ən böyük narahatlığım Türkiyənin müharibəyə qoşulması ola bilər. Suriyanın şimalında daha kəskin xarakter alan döyüşlər kürdlərin olduğu bölgələrdə deyil, ətraf ərazilərdə gedir. Kürd qüvvələri bu döyüşlərdə iştirak etmir. Lakin bəzi ərəb müttəfiqlərimiz Nüsrə Cəbhəsinə qarşı mübarizə aparır", - Müslüm qeyd edib.

Saleh Müslim onu da vurğulayıb ki, gələcəkdə Türkiyə ordusu Suriya kürdlərinə hücum edə bilər.