İŞİD terror qruplaşmasının lideri Əbubəkr Bağdadinin yeni fotoları yayılıb.

Axar.az İngiltərənin "İndependent" qəzetinə istinadən xəbər verir ki, fotonun İraqın Fəllucə şəhərindəki məscidlərdən birində çəkildiyi güman edilir.

Fotolarda İŞİD lideri azyaşlı uşaqların da olduğu bir qrupla söhbət edir.

Başqa versiyaya görə, fotolarda təsvir olunan şəxs Bağdadi yox, oxşarıdır.

Qeyd edək ki, Bağdadi nadir hallarda ictimaiyyət arasında görünür və bir neçə səs yazısı onun həyatda olduğunu göstərir. Onlardan sonuncusu isə ötən ilin dekabrında yayımlanıb.

Bağdadi hazırda ən çox axtarılan terrorçular siyahısında birincidir. ABŞ onun başına 10 milyon dollar mükafat qoyub.