Ana səhifə Planet |
Moskvada "Sokol" metrostansiyası yaxınlığında Leninqrad
şossesində yerləşən ticarət pavilyonları azərbaycanlı biznesmen
Telman İsmayılovun qardaşı Fazil İsmayılova məxsus
olub.
ANS-in
məlumatına görə, buradakı ticarət obyektləri Fazil İsmayılovun
Sokol rayonu şurasının rəhbəri və Moskva Şimal Dairəsinin
qubernatorunun müavini postunda olarkən tikilib.
Moskva ticarət və xidmət departamentinin rəisi Aleksey
Nemeryukun sözlərinə görə, bütün obyektlərin sahibləri qanunsuz
tikililərin söküləcəyi haqda məlumatlı idilər: "Demək olar ki, hər
bir tikiliyə dair məhkəmə çəkişmələri olub. Biz bu obyektlərin
şəhərdə olmasının qanuniliyini mübahisəli hesab edirdik. Bu
binaların sahiblərinin kimliyi hamıya məlumdur".
Fazil İsmayılov müflis olmuş azərbaycanlı milyarder Telman
İsmayılovun böyük qardaşıdır (bəzi mənbələrdə bu məlumat təqzib
olunur – red.). O, 1951-ci ildə Moskvada doğulub. M.V.Lomonosov
adına Moskva Dövlət Universitetinin Hüquq fakültəsini
bitirib.
Fevralın 9-na keçən gecə Moskvada şəhər rəhbərliyinin qərarına
əsasən paytaxtın müxtəlif metrostansiyaları yaxınlığında 97 ticarət
obyekti sökülüb. Ticarət obyektləri sökülən biznesmenlər dəyən
zərərin 30 milyard rubl təşkil etdiyini açıqlayıblar.
Məsələni şərh edən Moskva meri Sergey Sobyanin bildirib ki,
qanunsuz tikililərin sökülməsi Rusiyada irsin, tarixin və
dürüstlüyün satılmamasının əyani göstəricisidir. "Dələduzluq yolu
ilə əldə edilən mülkü rəsmi sənədlər altında gizlətmək olmaz.
Moskvanı moskvalılara qaytaraq! Onun parkları, bağları və
küçələrini. Açıq, gözəl və sevilənləri", – deyə mer
bildirib.
İndiyədək 50-dən çox obyekti yerlə bir edən Moskva bələdiyyəsi 1 mart tarixinədək 104 qanunsuz tikilini sökmək niyyətindədir.
Tarix
2016.02.14 / 20:03
|
Müəllif
Axar.az
|