Ana səhifə Planet |
10:14
Moskvada “Krokus Siti Holl”dakı terror aktında şübhəli bilinən iki nəfər saxlanılıb.
Axar.az xəbər verir ki, bu barədə Rusiya KİV-i məlumat yayıb.
Məlumata görə, sözügedən şəxslər Bryansk vilayətində saxlanılıblar.
Qeyd olunub ki, cinayətkarların olduğu ehtimal edilən avtomobil Belarus və Ukrayna ilə sərhəddən bir neçə kilometr aralıda, Teplı kəndi yaxınlığında saxlanılıb. İlkin məlumatlara görə, avtomobildə 6 nəfər olub. Onlardan 2-si saxlanılıb, 4-ü isə qaçıb.
Saxlanılanlar Tacikistan vətəndaşlarıdır. Onların terror aktında əli olub-olmadığı dəqiqləşdirilir.
***
"Krokus Siti Holl"da hücum həyata keçirən 6 şəxsdən 4-nün kimliyi məlum olub.
Bu barədə Rusiya KİV-ləri məlumat yayıb.
Terakt törədən şəxslərin Məhəmmədrəsul Nəsridinov, Rivojidin İsmonov, Şahincan Safolzoda, Rüstəm Nəzərov olduğu bildirilir.
Onların hamısı Tacikistan vətəndaşıdır. Onlardan hansının saxlanıldığı hələlik məlum deyil.
***
Terror aktında iştirak edən 4 terrorçu da daxil olmaqla, 11 nəfər saxlanılıb.
Bu barədə Rusiya Federal Təhlükəsizlik Xidmətinin direktoru Aleksandr Bortnikov Prezident Vladimir Putinə məruzəsində bildirib.
Məlumata görə, "Krokus Siti Holl"a hücum edən terrorçuların hamısı saxlanılıb.
Tarix
2024.03.23 / 12:28
|
Müəllif
Axar.az
|