Suriyada 2011-ci ildən bəri davam edən daxili müharibənin dayandırılması ilə bağlı razılaşdırılmış atəşkəsə 3 saat vaxt qalıb.

Axar.az xəbər verir ki, Vaşinqton və Moskva arasında əldə edilən atəşkəs razılaşması Bakı vaxtilə saat 02:00-da qüvvəyə minəcək.

Atəşkəsə 3 saat qalmasına baxmayaraq, Suriya İnsan Haqları Təşkilatı Rusiya qırıcılarının müxaliflərə qarşı hücumları daha da artırdığını bildirib.

Lakin müxaliflərin hədəf alınması ilə bağlı yayılan fikirlər Kreml sözçüsü Dmitri Peskov tərəfindən rədd edilib.

O bildirib ki, Rusiya qırıcıları atəşkəs müddəti ərzində də İŞİD, Nüsrə Cəbhəsi və başqa radikal qruplaşmaları hədəf alacaq.

Qeyd edək ki, fevralın 22-də Rusiya lideri Vladimir Putinlə ABŞ Prezidenti Barak Obama arasında Suriyada atəşkəsin təmin olunması ilə bağlı razılıq əldə olunmuşdu.