ABŞ bu gün özünün qitələrarası ballistik raketi olan Minuteman-3-ü sınaqdan keçirəcək.

Axar.az xəbər verir ki, bunu jurnalistlərə açıqlamasında ABŞ Müdafiə nazirinin müavini Robert Uork söyləyib. Onun sözlərinə görə, ballistik raket Los-Anceles yaxınlığında yerləşən Vandenberq bazasında sınaqdan çıxarılacaq. Raket Marşal adalarında yerləşən hədəfi məhv edəcək.

Qeyd edək ki, Minuteman-3 raketləri 13000 kilometr məsafədə yerləşən istənilən hədəfi məhv etmək qabiliyyətindədir. Bu raketlərin ABŞ ordusundakı sayı 450-dir.