Baltik dənizində NATO ilə Rusiya arasında qarşıdurmalar ola bilər.

Axar.az xəbər verir ki, bu barədə Litva səfəri zamanı İsveçin Baş Qərargah rəisi Maykl Bayden Baltik Xəbər Agentliyinə (BNS) müsahibəsində deyib.

O, İsveçin məcburi hərbi xidməti yenidən tətbiq etməsinə ehtiyac olduğunu bildirib:

"Rusiyanın Baltik dənizindəki hərəkətləri və buna cavab olaraq NATO-nun hərbi varlığını artırması qarşıdurmalara gətirib çıxara bilər. Hər hansı münaqişə İsveçə də təsir edəcək. Son illərdə Rusiya qırıcıları Baltik dənizində İsveçə təhlükəli məsafədə yaxınlaşır. Bunu qəbul etmək çox çətindir. Niyə belə etdiklərini isə anlaya bilmirəm. Bölgədə dəyişən geosiyasi vəziyyətə görə İsveç məcburi hərbi xidməti yenidən tətbiq etməlidir".