Almaniyada Baş nazir Merkelin lideri olduğu partiyadan bir millət vəkilinin sosial mediada paylaşdığı foto mübahisələrə səbəb olub.

Axar.az xəbər verir ki, Xristian Demokratik Birliyinin millət vəkili Erika Steynbaçın Tvitter hesabından paylaşdığı fotoda hindlilərdən ibarət bir qrupun ortasında qalan uşaq əks olunub.

Fotonun üzərində "Almaniya 2030", altında isə "Sən haradan gəlirsən?" yazılıb. Millət vəkili fotonun Frankfrutda yaşayan bir ata tərəfindən göndərildiyini qeyd edib.

Fotonun insanları narahat edən problemi dilə gətirdiyini bildirən Steynbaç bunları deyib:

"Təcavüzkar bir foto deyil. Ərəb qaçqınlar da görünmür. Fotoda yalnız uşağı maraqla süzən xoş niyyətli hindlilər görünür. Bunlar 2030-cu ildə Almaniyanın fotodakı kimi olacağını göstərir. Böyük şəhərlərdə alman olmayanların sayı ciddi şəkildə artıb".