Ana səhifə Planet |
09:38
Ukrayna ilk dəfə Rusiyanın Tu-22M3 bombardmançı təyyarəsini məhv edib.
Axar.az xəbər verir ki, bu barədə Ukrayna Hava Qüvvələrinin komandanı, general-leytenant Nikolay Oleşşuk məlumat verib.
“İlk dəfə olaraq Hərbi Hava Qüvvələrinin zenit-raket bölmələri Ukrayna Baş Kəşfiyyat İdarəsi ilə əməkdaşlıq edərək uzaqmənzilli strateji bombardmançı Tu-22M3-ü məhv edib”, - Oleşşuk bildirib.
Onun sözlərinə görə, Ukrayna bu gün həm də ilk dəfə olaraq X-22 raketlərini vurub.
Ukrayna Baş Kəşfiyyat İdarəsi yaydığı məlumatda qeyd edib ki, Tu-22M3 təyyarəsi S-200 zenit-raket kompleksi vasitəsilə vurulub.
Qeyd edək ki, Rusiya Müdafiə Nazirliyi bu gün Stavropol diyarında Tu-22M3 bombardmançısının qəzaya uğradığı barədə məlumat yaymışdı. Qəza zamanı təyyarədə olan 4 pilotdan biri ölüb.
Əlavə edək ki, açıq internet mənbələrində Tu-22M3 qırıcılarının satış qiymətinin 200 milyon dollar civarında olduğu göstərilib.
Tarix
2024.04.19 / 11:00
|
Müəllif
Didəm Qədirova
|