Nə qədər ki, Gürcüstanda aşağı həyat səviyyəsi var, ölkədən miqrasiya yüksək səviyyədə qalacaq.

Axar.az xəbər verir ki, bunu Gürcüstanın baş naziri İrakli Kobaxidze deyib.

"Bizim göstəricilərimiz mənfidir və əsas vəzifə iqtisadiyyatın inkişafıdır. Əgər iqtisadiyyatda irəliləyiş olmazsa və iqtisadi cəhətdən AB ölkələri ilə yaxınlaşmasaq, əlbəttə ki, mənfi göstərici qalacaq", - Kobaxidze jurnalistlərə deyib.

Onun sözlərinə görə, Gürcüstana AB ölkələri səviyyəsinə yaxınlaşmaq üçün bir neçə il lazımdır.

Qeyd edək ki, Gürcüstan Milli Statistika Xidmətinin məlumatına görə, 2023-cü ildə ölkədən 245 064 nəfər miqrasiya edib ki, bu da 2022-ci illə müqayisədə 95,6% çoxdur.