Ukraynadakı döyüş bölgəsində məhv edilmiş və ya zədələnmiş Amerika M1A1 "Abrams" tanklarının demək olar ki, hamısı əlavə mühafizəyə malik deyildi.

Axar.az xəbər verir ki, bunu ukraynalı hərbi-siyasi şərhçi Aleksandr Kovalenko "Abrams" tanklarının cəbhə xəttindən geri çəkilməsini şərh edərkən bildirib.

O qeyd edib ki, bunun səbəblərindən biri də Rusiya qoşunlarının PUA-lardan istifadə etməsidir.

Onun sözlərinə görə, hələ 2023-cü ilin əvvəlində o, Ukrayna Silahlı Qüvvələrində xidmətə girən Qərb istehsalı tankların hazırkı təhdidlər kontekstində zərurətə çevrilmiş əlavə mühafizə olmadan döyüş bölgəsinə göndərilməsindən təəccüblənib.

Kovalenkonun fikrincə, tankların geri çəkilməsi ilə bağlı məlumat təsdiqlənərsə, belə bir qərarda təəccüblü heç nə yoxdur.