Atəşkəs razılaşmasında imzası olan Suriyanın bəzi müxalif qruplarının liderləri İŞİD-dən qorunmaq üçün Rusiyaya müraciət ediblər.

Axar.az xəbər verir ki, bu sözləri Rusiyanın Atəşkəsi İzləmə Mərkəzinin rəhbəri Sergey Kuralenko Suriyanın Latakiya vilayətində baş tutan hərbi toplantı zamanı çıxışında deyib.

"Mərkəzimizin fəaliyyətə başladığı ilk günlərdə müxalif rəhbərlər hökumət üzvlərindən qorunmaq üçün bizə müraciət edirdilər. Lakin indi durum dəyişib. Bu gün razılaşmaya imza atan müxaliflər İŞİD və digər terror qruplarından qorunmaq üçün bizdən dəstək tələb edirlər", - Kuralenko vurğulayıb.