Belarusa qarşı istənilən hərbi təcavüzə dərhal cavab veriləcək.

Axar.az xəbər verir ki, bu barədə Belarus Prezidenti Aleksandr Lukaşenko deyib.

"Əgər sakitlik olsa, lap yaxşı, bizdə də sakitlik olacaq. Əgər kimsə bizə qarşı silah işlətsə, dərhal cavab verəcəyik. Biz heç bir xətt çəkməyəcəyik. Biz min-min kilometr olan Rusiya deyilik – orda xətt çəkmək və nəsə gözləmək olar. Ana Rusiyanı dərhal ələ keçirə bilməzsiniz. Belarus isə son müharibənin göstərdiyi kimi, bir ay ərzində mövcudluğunu dayandırdı. İndi daha da sürətli olacaq. Beləliklə, heç bir xətt olmayacaq - istənilən təcavüzə dərhal cavab veriləcək”, - Lukaşenko Qələbə Gününə həsr olunmuş təntənəli iclasda deyib.