2024.05.12. 13:05

Rusiyanın Belqorod şəhəri raket atəşinə tutulub.

Axar.az xəbər verir ki, bu barədə Rusiya mətbuatı məlumat verib.

Məlumata görə, raketlərdən biri yaşayış binasına düşüb və nəticədə binanın 10-cu mərtəbəsindən 1-ci mərtəbəsinə kimi bir girişi tamamilə dağılıb.

İlkin məlumatlara görə, 4 nəfər ölüb, 21 nəfər yaralanıb.

***

Belqorodda raketlə vurulmuş yaşayış binasının damı uçub və nəticədə xilasetmə işləri aparan bir neçə xilasedici dağıntılar altında qalıb.

Rusiya Fövqəladə Hallar Nazirliyi faktı təsdiqləyib.

Nazirlik dağıntılar altından indiyədək 2-si uşaq olmaqla, 12 nəfərin xilas edildiyini açıqlayıb.

***

Belqorodda yaşayış binasının vurulması nəticəsində yaralıların sayı 32-yə çatıb. 7 nəfər isə ölüb.

***

Binanın dağıntıları altından 9 nəfərin cəsədi çıxarılıb.

Bu barədə Rusiya FHN məlumat yayıb.

Bildirilib ki, raket təhlükəsi səbəbindən xilasetmə işləri 5 dəfə dayandırılıb.

***

Binanın dağıntıları altından çıxarılan cəsədlərin sayı 11-ə çatıb.

***

Bina dağıntıları altından çıxarılan cəsədlərin sayı 13-ə çatıb.

Qeyd edək ki, bundan öncə Rusiya Müdafiə Nazirliyi Belqoroda atılan iki "Toçka-U" raketinin ələ keçirildiyini bildirmişdi.