Əsəd rejimi hərbçilərin çatışmazlığından dolayı ictimai qurumlarda çalışan məmurları da orduya cəlb edir.

Axar.az xəbər verir ki, bu barədə Suriya mətbuatı məlumat yayıb. Bildirilir ki, 2015-ci ilin iyul ayında Bəşər Əsədin əsgər çatışmazlığı ilə bağlı açıqlamasından sonra rejim orduya insanları cəlb etmək üçün müxtəlif vasitələrə əl atıb.

2016-cı ilin fevral ayında isə ölkənin Baş Qərargahının bölgələrdə dövlət məmurlarından ibarət tabor yaradılması ilə bağlı çağırış etdiyi bildirilib.

Qeyd edək ki, rejim sözügedən məmurlara hərbi təlimlər vermək üçün Xüms şəhərində Şamsin adlı hərbi düşərgə də yaradıb.

Həmin düşərgədə 600 məmurun təlim aldığı deyilir.

Digər məlumata görə, təlim görmüş məmurlar Hələb və Həma kimi iri şəhərlərdə gedən döyüşlərdə iştirak edir.