Rusiya Xarici İşlər Nazirliyinin rəsmisi Mariya Zaxarova Ermənistan parlamentinin spikeri Alen Simonyanın erməni kilsəsinin vergi verməsi ilə bağlı açıqlamasını şərh edib.

Axar.az xəbər verir ki, Zaxarova bu barədə özünün Teleqram kanalında yazıb.

“Ermənistan parlamentinin spikeri Alen Simonyan deyib: “Kilsənin niyə vergi vermədiyini müzakirə etmək lazımdır və ümumiyyətlə, hüquqi nöqteyi-nəzərdən bir daha nəzərdən keçirmək lazımdır ki, əli öpülən bir keşiş vergi ödəyən, orduya silah-sursat alan adi iş adamından yüksək nə edir?” Eyni zamanda, Ali Radada “Avropa Həmrəyliyi” fraksiyası və Pyotr Poroşenko Ukrayna Pravoslav Kilsəsinə tam qadağa qoyulması məsələsinin yenidən gündəmə gətirilməsini tələb edirlər. Niyə qərblilərin yemləməyə başladıqları adamlar sözün əsl mənasında şeytanlaşırlar?!” - Zaxarova bildirib.