Ana səhifə Planet |
Polşa yayda NATO-nun tam hüquqlu üzvünə çevriləcək.
Axar.az xəbər verir ki, bunu jurnalistlərə açıqlamasında Polşa Müdafiə naziri Antonio Matsareviç söyləyib. Onun sözlərinə görə, dəyişiklik Varşava sammitindən sonra gerçəkləşəcək:
"Varşava sammitindən sonra mühüm hadisələr olacaq. Bu, uzun bir yolun sonu deməkdir. Polşa ilə Şərqi və Mərkəzi Avropanın digər ölkələri Alyansın tam hüquqlu üzvü olacaqlar. Bizim iyuldan etibarən NATO-dakı statusumuz tamam dəyişəcək".
Qeyd edək ki, NATO, tezliklə, Mərkəzi və Şərqi Avropada öz ordularını yerləşdirəcək. Buna səbəb kimi Alyans Rusiyanın aqressiyasını göstərib.
Polşa bundan öncə dəfələrlə NATO-nun ikinci sort ölkəsi olmaq istəmədiyini söyləyib. Rəsmi Varşava Alyansdan Qərbi Avropa ölkələrinə verilən imtiyazların Polşaya da şamil edilməsini istəyib. Üstəlik, hazırkı hakimiyyət ABŞ-dan xüsusi dəstək alır. Rəsmi Varşava məhz buna arxalanaraq, son bir neçə ay ərzində Almaniyanı Rusiya və Avropa ilə bağlı kəskin tənqid edib.
Tarix
2016.03.12 / 12:51
|
Müəllif
İlkin Həsənov
|