Ukraynanın Donbas bölgəsində Rusiyanın 6 minə yaxın hərbçisi var.

Axar.az xəbər verir ki, bu sözləri Ukrayna Dövlət Təhlükəsizlik Xidmətinin sədri Oleksandr Tokaçuk jurnalistlərə açıqlamasında deyib.

"Bu gün bizdə olan məlumatlara görə, Donbas bölgəsində 6 minə yaxın rus əsgəri var. Lakin biz bu rəqəmdə azalma müşahidə edirik. Separatçıların sayı isə 40 min civarındadır. Mən Rusiyada yaşayan analara və bacılara səslənərək demək istəyirəm ki, uşaqlarınızı və ərlərinizi Ukraynaya döyüşə göndərməyin. Biz Rusiyanın bu rüsvayçılığa son verməyini və qardaş adlandırdıqları xalqın qanını tökməməyini istəyirik", - Tokaçuk vurğulayıb.