00:03

Boliviyanın paytaxtı La-Pasda keçmiş baş komandan Zuniqanın üsyançı hərbçiləri hökumət binasını mühasirəyə alıblar.

Axar.az xəbər verir ki, Prezident Luis Arce “Boliviya ordusunun bəzi hissələrinin qəribə hərəkətlərindən” danışıb.

Respublikanın keçmiş başçısı Evo Morales isə general Zuniqanın çevriliş cəhdini elan edib və “demokratiyanı müdafiə etmək” üçün “milli səfərbərliyə” çağırıb.

Kadrlarda zirehli maşınlarda olan hərbçilərin Prezident sarayına basqına hazırlaşdığı görünür. Luis Arseyə sadiq olan polis onu qoruyur. Üsyançılar mərkəzi meydana toplaşıblar.

Bir gün əvvəl vəzifəsindən azad edilən general Zuniqa vəzifəsində qalacağını bildirib və Moralesin həbs olunacağını istisna etməyib. Boliviya hökuməti dövlət çevrilişinə cəhd xəbərləri fonunda beynəlxalq ictimaiyyəti ölkənin qanuni hakimiyyətinə dəstək verməyə çağırıb.