Son 40 il ərzində on minlərlə Türkiyə vətəndaşı terrorçuların qurbanı olub. Biz terrorizmin “qanlı üzünü” yaxşı bilirik, terrorçularla mübarizə aparmışıq və mübarizəmizi davam etdirəcəyik.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatının bu gün Astanada keçirilən sammitində bildirib.

Onun sözlərinə görə, terrorçulara qarşı mübarizədə maksimum effektivliyə nail olmaq üçün beynəlxalq əməkdaşlıq böyük əhəmiyyət kəsb edir.

Ərdoğan qeyd edib ki, Ankara qeyri-qanuni miqrasiya, regional münaqişələr və terrorizmlə mübarizədə birgə addımların müzakirə edilməsi üçün ŞƏT-in çoxtərəfli dialoq platformasından istifadə etməyə hazırdır.