17:17

İranın Hörmüzqan əyalətinin Bəndər-Abbas şəhəri yaxınlığında İran donanmasının “Səhənd” freqatında qəza baş verib.

Axar.az xəbər verir ki, bu barədə “Mehr” agentliyi məlumat yayıb.

“Qəzaya səbəb, ehtimal ki, gəminin balanslaşdırıcı çəninin nasazlığı və ya freqatın valına təmirdən sonra suyun sızması olub”, - məlumatda qeyd olunub.

Qəza nəticəsində bir neçə nəfərin yaralandığı bildirilib.

***

Qəza nəticəsində freqat yanı üstə aşıb və yarısı suya batıb.

Qeyd edək ki, “Səhənd” yerli mütəxəssislər tərəfindən digər dövlətlərin köməyi olmadan inşa edilən ilk İran freqatıdır. O, 2018-ci ilin dekabrında buraxılıb və zenit-artilleriya və raketlərlə təchiz edilib.