2024.10.05 - 23:39

Hacıqabulda yol qəzası zamanı bir ailənin üç üzvü xəsarət alıb.

Axar.az Report-a istinadən xəbər verir ki, hadisə Hacıqabul şəhərində qeydə alınıb.

Belə ki, hərəkətdə olan “Mersedes” markalı avtomobil digər nəqliyyat vasitəsi ilə toqquşub.

Qəza nəticəsində şəhərin İ.Qayıbov küçəsində yaşayan bir ailənin üç üzvü - 1965-ci il təvəllüdlü Qızılgül Şəmsəddin qızı Əhədova, onun nəvəsi, 2016-cı il təvəllüdlü Qızılgül Ərşad qızı Əhədova və 1986-cı il təvəllüdlü Xəyalə Azad qızı Əhədova müxtəlif dərəcəli xəsarətlər alıblar.

Xəsarət alanlar Hacıqabul Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

***

Hacıqabul rayonunda ağır yol qəzasında xəsarətlər alan iki nəfərin şəxsiyyəti məlum olub.

İki avtomobilin toqquşması nəticəsində rayonun Muğan kənd sakinləri, 1992-ci il təvəllüdlü İmran Nəbi oğlu Quluzadə və onun qardaşı, 1985-ci il təvəllüdlü Anar Nəbi oğlu Quliyev xəsarətlər alıb.

Xəstəxanaya yerləşdirilən qardaşlar koma vəziyyətindədirlər.