İraqda İŞİD-ə qarşı mübarizə bitdikdən sonra şiə təriqətli Haşdi-Şabi qruplaşması ilə kürdlər arasında yeni müharibə yaşana bilər.

Axar.az xəbər verir ki, bu iddia ilə peşmərgənin terrora qarşı mübarizə komandanı Polad Cəngi çıxış edib.

O, İŞİD kabusunun bitməsindən sonra kürd-şiə savaşının başlayacağını istisna etməyib:

"Havicə və Mosul kimi iri şəhərlərin İŞİD-dən alınmasından sonra İraq hökuməti və Haşdi-Şabi ilə problemlər yaşamağa başlayacağıq. Onlar azad etdiyimiz topraqlardan çıxmağımızı istəyəcəklər. Lakin biz uğrunda döyüşdüyümüz şəhərlərdən getmək fikrində deyilik. Biz bilirik ki, əvvəl-axır bu məsələdə İraq hökuməti ilə problemlər yaşayacağıq"

Qeyd edək ki, hazırda Tuzhurmati bölgəsində İraq kürdləri ilə İranın dəstək verdiyi şiə təriqətli Haşdi-Şabi qruplaşması arasında çəkişmələr yaşanır.