İranın İsmayıl Haniyənin qisasını almaq üçün hazırlığı ABŞ-ın gözlədiyindən daha uzun sürür.

Axar.az xəbər verir ki, bu barədə “Əl-Ərəbiyyə” telekanalı ABŞ kəşfiyyatına bağlı mənbələrə və rəsmilərə istinadən məlumat yayıb.

Bildirilib ki, ABŞ rəsmiləri İranın raket və ya pilotsuz təyyarələrdən istifadə ilə bazar günü axşam və ya bazar ertəsi sürətli zərbə endirəcəyini gözləyib, buna baxmayaraq, Tehran hərəkətə keçməyib.

“Həm İran, həm də Hizbullah İsrailin hərəkətlərinə qətiyyətli cavab verəcəklərini vəd ediblər və bu, ABŞ-ı regionda hərbi gücünü gücləndirməyə sövq edib”, - məlumatda vurğulanıb.