Türkiyə polisi PKK terror qruplaşmasının üzvlərinin yay aylarında təxribat törətmək məqsədilə silah-sursat gizlətdikləri mağara və sığınacaqlarda “Gürz-5” əməliyyatı keçirib.

Axar.az xəbər verir ki, bu barədə Türkiyə daxili işlər naziri Əli Yerliqaya X-də yazıb.

O bildirib ki, 76 mağara və sığınacaqda həyata keçirilən əməliyyat nəticəsində 102 raket, 132 minaatan və qumbaraatan sursatı, 191 RPG-7 reaktiv yaylım atəşi sursatları və yanacaq patronu, 165 əl qumbarası, 22 əldəqayırma partlayıcı, 55 pulemyot zenit raketinin sursatları, 17 AKM avtomatı, 5 snayper tüfəngi, 3 RPG-7 raket qurğuları, 191 RPG-7 reaktiv yaylım atəşi sursatları, 2 min 604 mexaniki/elektrik qoruyucu, 1 dron və onun hissələri, 1 gecə görmə eynəyi, 37 kiloqram partlayıcı maddə, və elektron cihazlar və digər növ silah-sursatlar ələ keçirilib.