14:31

Rusiyanın Volqoqrad vilayətindəki 19 saylı Cəzaçəkmə Müəssisəsinin dustaqları qiyam qaldırıblar.

Axar.az xəbər verir ki, bu barədə Rusiya Federal Penitensiar Xidməti məlumat yayıb.

Məlumata görə, dustaqlar qiyam zamanı girovlar götürüblər. Həbsxananın rəisi 45 yaşlı Andrey Devyatov qiyamçılar tərəfindən girov saxlanılır.

Federal Penitensiar Xidmətin 1 əməkdaşı öldürülüb, daha 3 nəfər isə ağır yaralanıb.

***

“Baza” Teleqram kanalının məlumatına görə, öldürülənlərin sayı 3-ə çatıb. Həbsxana rəisi Andrey Devyatov ağır vəziyyətdə reanimasiyaya yerləşdirilib.

Qiyamçılar iki milyon dollar və helikopter tələb ediblər.

***

Rusiya Qvardiyasının Volqoqrad vilayətində snayperləri 19 saylı islah koloniyasının əməkdaşlarını girov götürən 4 məhbusu zərərsizləşdirib, girovlar azad edilib.

Bu barədə Rusiya mətbuatı məlumat yayıb.

"Rusiya Qvardiyasının xüsusi təyinatlı qüvvələrinin snayperləri həbsxana işçilərini girov götürmüş dörd məhbusu dörd dəqiq atəşlə zərərsizləşdiriblər", - məlumatda deyilir.

***

Rusiyanın Federal Penitensiar Xidməti (FPX) Volqoqrad vilayətindəki 19 saylı Cəzaçəkmə Müəssisəsinin əməkdaşlarının girov götürülməsi zamanı 4 nəzarətçinin öldürüldüyünü rəsmən açıqlayıb.