PKK terrorçularının Türkiyənin İranla sərhədində yerləşən Şəhid Ər Haşim adlı polis məntəqəsinə raket hücumu həyata keçirmək planlarının baş tutmadığı müəyyənləşib.

Axar.az xəbər verir ki, bu barədə Anadolu Agentliyi məlumat yayıb.

Məlumata görə, Ağrı dağının Dəmirqapı Mezrası adlanan ərazisində ölü tapılan 2 PKK-çının üzərində hard disklər götürülüb.

Hard disklərin araşdırılması zamanı PKK-çıların Şəhid Ər Haşim polis məntəqəsini raketlə hədəf almasını əks etdirən görüntülərin olduğu müəyyənləşib.

Videoda raket sisteminin nasaz olması səbəbindən atəşin baş tutmadğı görünür.

Sözügedən raketin Rusiya istehsalı olduğu da müəyyənləşib.

Məsələ ilə bağlı araşdırmalara başlanılıb.