20:32

ABŞ Venesuela Prezidenti Nikolas Maduronun təyyarəsinin üzərinə həbs qoyub.

Axar.az xəbər verir ki, bu barədə CNN məlumat yayıb.

Təyyarə ABŞ-ın Venesuela və Maduroya qarşı tətbiq etdiyi sanksiyaların pozularaq alındığı üçün müsadirə edilib.

Venesuelanın bir nömrəli təyyarəsi son bir neçə ay ərzində Dominikan Respublikasında olub.

Amerika səlahiyyətliləri tərəfindən həbs qoyulduqdan sonra təyyarə Floridaya göndərilib.

***

ABŞ Ədliyyə Nazirliyi Venesuela Prezidenti Nikolas Maduronun təyyarəsini ələ keçirdiyini təsdiqləyib.

Bu barədə nazirliyin məlumatında deyilir.

"Dassault Falcon 900EX” təyyarəsi Dominikan Respublikasında ələ keçirilib və Floridanın cənub bölgəsinə yönləndirilib. Hava laynerinin saxlanılmasına səbəb ABŞ-nin ixrac nəzarəti və sanksiya qanunlarını pozması göstərilir", - deyə bildirilib.