Gələn həftə Vaşinqtona səfərim zamanı ABŞ Prezidenti Co Baydenlə Ukraynaya hərbi yardımın göstərilməsi və bu istiqamətdə iki ölkənin uzunmüddətli planlarını müzakirə edəcəyəm.

Axar.az xəbər verir ki, bunu Britaniya Baş naziri Kir Starmer deyib.

“Yaxın Şərqdəki vəziyyət kimi Ukraynada da vəziyyət getdikcə gərginləşir. Mən Ukrayna və Yaxın Şərq kontekstində bizə lazım olan taktiki qərarlar barədə prezident Bayden, eləcə də digər NATO müttəfiqlərimizlə, o cümlədən Fransa, Almaniya, İtaliya bir neçə dəfə söhbət etmişəm. Mesajlarımızı və hərəkətlərimizi əlaqələndirdik. Lakin Vaşinqtona səfərim zamanı mən də yaxın bir neçə ayda Ukrayna və Yaxın Şərqdəki vəziyyəti daha strateji şəkildə müzakirə etmək şansından istifadə etmək istəyirəm”, - Starmer bildirib.