Brügge nağılların həqiqət olduğunu düşündürən bir şəhərdir. Şəhərin sehirli gözəlliyi insanda bir filmin ortasındaymış kimi hisslər yaradır. Brügge Belçikanın Flandriya əyalətinin mərkəzidir.

Axar.az bu tarixi və sehirli şəhər haqqında məlumatı təqdim edir:

Brügge şəhəri tarixi qeydlərdə bir çox fərqli adlarda yer alıb. Bu şəhər Amsterdam, Stokholm və Hamburq kimi kanal mərkəzli şəhər olduğu üçün "Şimalın Venesiyası" adlandırılıb.

Tarixi şəhərin dəniz sahilində yerləşməsi onu tarixi baxımdan liman şəhəri olaraq xatırladır. 11-ci əsrdə Avropanın mərkəzi olan Brügge bir-iki kanal istisna olmaqla, sellər və coğrafi dəyişikliklərə görə dənizlə əlaqəsini itirib.

Brüggenin tarixi mərkəzi çox kiçik olduğundan bir günə də gəzmək mümkündür. Hər mövsümdə bir cür gözəl olan Brügge yayda tətil sezonunun başlamasına görə turist axını ilə üz-üzə qalır. Buna görə də şəhəri aprel, may aylarında gəzmək daha yaxşı olar.

Brügge şəhərində küçələri gəzdikcə, xüsusilə şokolad mağazalarının qarşısından keçərkən dadlı şokoladın qoxusunu hiss edəcəksiniz. Bu şəhərin əsas ənənəsi göz oxşayan əl işi krujevalardır. Bu gözəl əl işlərini krujeva hazırlanan və satılan mağazalarda seyr etmək mümkündür.

Gecə gəzintisini sevən adamlar üçün Brügge heç də uyğun bir şəhər deyil. Burada gecələri rahatlıqla gəzmək olmur. Şəhər həftə sonu, xüsusilə erkən saatlarda müdhiş bir səssizliyə sahibdir.

Rəvayətə görə, tək qaş brilyant nişan üzüyünün tarixi də bu şəhərlə bağlıdır.

Brüssel hökmdarı cəsur Çarlzın Burqdlyu Mari adlı bir qızı olur. Atasının tək qızı olan Mari ilə evlənmək istəyənlər çox olur. Lakin onunla Arşidükü Maximilian evlənir. Arşidük nişan üzüyü kimi Mariyə tək qaş brilyant hədiyyə edir. Rəvayətə görə, bir çox qadının xəyallarını bəzəyən bu ənənə buradan gəlir.

Bu tarixi şəhərin heç genişlənmədiyi və II Dünya müharibəsi zamanı heç bir zərər görmədiyinə görə, orta dövr Avropa memarlığının ən gözəl nümunəsi olaraq qəbul edilir.

Buna görə də, Brügge şəhəri YUNESKO Dünya Mədəniyyət Mirası siyahısında yer alır.