Rusiya Federasiya Şurası hərbi xidmət müqaviləsi bağlamış təqsirləndirilən şəxslərin məhkəmə mərhələsində məsuliyyətdən azad edilməsi haqqında qanunları təsdiqləyib.

Axar.az xəbər verir ki, bu barədə yeni qanunu şərh edən rusiyalı politoloq İqor Korotçenko bildirib.

O bildirib ki, istisna hallarda yeni qanun bəzi şəxslərə aid edilməməlidir:

“Bu qanun layihəsi Rusiyanın müdafiə qabiliyyətinə və milli təhlükəsizliyinə, nazirlik və idarələrinin yüksək vəzifəli şəxsləri arasından korrupsiya, oğurluq və rüşvətxorluq ittihamı ilə artıq həbs edilmiş və gələcəkdə həbs olunacaq şəxslərə şamil edilməməlidir.

Və belə cinayət işlərinin yenidən təsnifləşdirilməsi üçün sözügedən şəxslərin “dövlətə xəyanət” maddəsi ilə ittiham edilməsi zəruridir".